"100-ჯერ ვთქვი და კიდევ გავიმეორებ" - მერაბი უმართან ჩხუბზე

UFC-ის სუპერმსუბუქი წონის ქართველი ჩემპიონი სოციალურ ქსელში გულშემატკივრის ნათქვამს გამოეხმაურა.

"მერაბი დიდების დარბაზის 3 წევრს ეჩხუბა ზედიზედ...

თუ ფიქრობთ, რომ მას უმარის ეშინია, თქვენ თავს ატყუებთ. უმარს კიდევ ერთი მეტოქის დამარცხება სჭირდება." - წერს ერთ-ერთი მომხმარებელი X-ზე.

მერაბი აღნიშნულს გამოეხმაურა: "100-ჯერ ვთქვი და კიდევ გავიმეორებ - თუ UFC-ს უნდა, რომ შემდეგი უმარს ვეჩხუბო, ამას გავაკეთებ!"

შეგახსენებთ, რომ დვალიშვილმა სატიტულო ბრძოლამდე ყოფილი ჩემპიონები - პიოტრ იანი, ჟოზე ალდო და ჰენრი სეხუდო დაამარცხა. უმარ ნურმაგომედოვი კი კონტენდერებიდან მხოლოდ კორი სენდჰეგენს დაუპირისპირდა და გადაწყვეტილებით მოუგო.