"არ გეწყინოს, მაგრამ ეს ცუდი კითხვაა", - მბაპე ჟურნალისტს დაუპირისპირდა

ოლიმპიაკოსთან გამარჯვების (4:3) და პოკერის შესრულების შემდეგ, კილიან მბაპეს ჟურნალისტის შეკითხვა არ მოეწონა.

ჟურნალისტმა ჰკითხა კილიანს, არის თუ არა დღევანდელი რეალი მასზე დამოკიდებული. ცნობისთვის, ამ სეზონში რეალის მიერ 40 გატანილი გოლიდან 22 სწორედ მბაპეს ანგარიშზეა.

ამაზე, მბაპემ ასე უპასუხა:

„არ გეწყინოს, მაგრამ მე ეს ცუდი კითხვა მგონია. გუნდში ყველას თავისი როლი აქვს და ჩემი როლი - გოლების გასატანაა. თუმცა, სხვა ფეხბურთელების გარეშე თამაშებს ვერ მოვიგებდით. ამიტომ არამგონია, რაიმე სახის დამოკიდებულებას ჰქონდეს ადგილი. ეს უფრო ჟურნალისტების და გვერდით მყოფი ადამიანების აზრია."

ამის შემდეგ, ჟურნალისტმა კილიანს შეახსენა, რომ მისი გოლების გარეშე, რეალს ზედიზედ 3 მატჩი არ ჰქონდა მოგებული, რაზეც ფორვარდმა უპასუხა:

„კი, მაგრამ არ შეიძლება თქმა, რომ ეს დამოკიდებულებაა. უნდა თქვა, რომ კილიან მბაპე არის ერთ-ერთი პასუხისმგებელი გამარჯვებებზე. ამას უნდა გაუსვა ხაზი და არა დამოკიდებულებას."