ბარსელონა უახლოეს პერიოდში შესაძლოა ინიგო მარტინესმა დატოვოს.
ფაბრიციო რომანოს ინფორმაციით, ფეხბურთელი კლუბთან კონტრაქტის გაწყვეტის თაობაზე აწარმოებს მოლაპარაკებებს.
მისი დამატება საუდის არაბეთის კლუბებს და მათ შორის - კრიშტიანუ რონალდუს ალ ნასრს სურთ.
თუ ინიგო ბარსასთან კონტრაქტს გაწყვეტს, ნებისმიერ საუდურ კლუბში თავისუფალი აგენტის სტატუსით შეეძლება გადასვლა.
ავტორიტეტული ინსაიდერი მატეო მორეტოს ინფორმაციით, ამ ეტაპზე მარტინესი წასვლასთან ბევრად ახლოს არის, ვიდრე დარჩენასთან.
გასულ სეზონში ინიგო მარტინესი ფლიკის ბარსას განუყოფელი ნაწილი იყო და სასტარტო შემადგენლობის უცვლელი წევრიც.
