ზაფხულის სატრანსფერო ფანჯრის დროს ლივერპულის შემტევი, დარვინ ნუნიესი შესაძლოა ალ ჰილალში გადავიდეს.
ვიქტორ ოსიმენის ტრანსფერის ჩაშლის შემდეგ, საუდურმა კლუბმა ყურადღება სხვა ფორვარდებზე გადაიტანა და ერთ-ერთ ვარიანტად ურუგვაელ ფორვარდს განიხილავს.
ნუნიესის ლივერპულიდან წასვლა პრაქტიკულად გადაწყვეტილი ამბავია და ამ ეტაპზე ყველაზე რეალურ ვარიანტად სწორედ ალ ჰილალი მოიაზრება.
FootMercato-ს ინფორმაციით, თავად ფეხბურთელი ალ ჰილალში გადასვლაზე თანახმაა და მხარეებს შორის პირველი კონტაქტებიც შედგა.
ჯერჯერობით ალ ჰილალს ლივერპულისთვის ოფიციალური შეთავაზება არ გაუკეთებია.
