ლონდონის არსენალის ნახევარმცველმა, დეკლან რაისმა გაამჟღავნა, თუ რა უდიდეს ფსიქოლოგიურ წნეხს განიცდიდა იმ მომენტში, როდესაც გუნდი მანჩესტერ სიტის მიერ ქულების დაკარგვასა და არსენალის 22 წლის განმავლობაში პირველ ჩემპიონობას ელოდებოდა.
ფეხბურთელმა აღიარა, რომ ნერვიულობისგან ტელევიზორთან გაჩერება ვერ შეძლო.
სანამ არსენალის მთელი შემადგენლობა საწვრთნელ ბაზაზე ეკრანებს იყო მიჯაჭვული, რაისმა მანჩესტერ სიტისა და ბორნმუთის მატჩის დროს ბაზის ტერიტორიაზე ხანგრძლივი სიარული დაიწყო.
პირველი 40 წუთი დაცვის თანამშრომელ პიტთან ერთად ყველა შესაძლო მოედანს შემოვუარე, აბსოლუტურად არაფრისმომცემ თემებზე ვსაუბრობდით. როცა გოლის გატანის ხმა გავიგეთ, შენობაში შემოვედით, თუმცა ბოლო 5 წუთის დროს ისევ გარეთ გავედი. უბრალოდ ფიზიკურად არ შემიძლია ამისთვის მეყურებინა
ბუკაიო საკამ თავისი თანაგუნდელის ეს საქციელი სასაცილოდ შეაფასა და აღნიშნა, რომ რაისმა საწვრთნელ ბაზას დაახლოებით 12 წრე დაარტყა, სანამ სხვები მატჩს უყურებდნენ.
რაისი არსენალს 2023 წელს შეუერთდა და აღნიშნა, რომ ეს ტიტული მისი კარიერის მთავარი მიზანი იყო. საკამ კი გაამჟღავნა, რომ გაჩემპიონების შემდეგ ფეხბურთელები ემირატების სტადიონზე ღამითვე მივიდნენ, რათა ეს ისტორიული მომენტი იმ გულშემატკივრებთან ერთად აღენიშნათ, რომლებსაც ქუჩაში არ ეძინათ.
მიკელ არტეტას გუნდი პრემიერ ლიგის თასს კრისტალ პალასთან მატჩის შემდეგ ოფიციალურად აღმართავს, თუმცა ამით სეზონი არ სრულდება - 30 მაისს, ბუდაპეშტში, არსენალი ჩემპიონთა ლიგის ფინალში პსჟ-ს დაუპირისპირდება და ისტორიული დუბლის შესრულებას შეეცდება.
