ედერსონმა კარიერა შესაძლოა თურქეთში გააგრძელოს.
ფაბრიციო რომანოს ინფორმაციით, მან სიტი ელოდება, რომ გალათასარაი ბრაზილიელი მეკარის ტრანსფერზე უახლოეს პერიოდში პირველ ნაბიჯებს გადადგამს.
ამ ეტაპზე თურქული კლუბი თავად ფეხბურთელთან აწარმოებს მოლაპარაკებებს პირად კონტრაქტზე, თუმცა უახლოეს პერიოდში სიტისთვისაც აპირებს პირველი შეთავაზების გაკეთებას.
თავის მხრივ, სიტი ედერსონის შესაძლო წასვლისთვის მზადებას შეუდგა და გუნდში თავისი აღზრდილი მეკარის, ჯეიმს ტრაფორდის დაბრუნებაზე მუშაობს.
გალათასარაი ედერსონს ფერნანდო მუსლერას შემცვლელად განიხილავს, რომელმაც კლუბი 14 გატარებული წლის შემდეგ დატოვა.
