ფინალში დამარცხდა - ნიქაბაძე ევროპის ვიცე-ჩემპიონია

უნგრეთის დედაქალაქ ბუდაპეშტში მიმდინარე კრივის 23-წლამდე ევროპის ჩემპიონატზე, ლუკა ნიქაბაძემ ვერცხლის მედალი მოიპოვა.

ქართველი ფინალურ შეხვედრაში რუმინელ დანიელ-რაი სტოიჩანს დაუპირისპირდა, დამარცხდა და ევროპის ვიცე-ჩემპიონის სტატუსი დაიმსახურა.

საერთო ჯამში, საქართველოს ნაკრებმა ტურნირზე 3 მედალი მოიპოვა - ნიქაბაძის ვერცხლის გარდა, ჩვენს გუნდს გორ აივაზიანმა (55 კგ.) და ჰურამან კასუმოვამ (57 კგ.) ბრინჯაოს მედლები მოუტანეს.