პორიე გეიჯის მენტალიტეტს აკრიტიკებს

UFC-ის მსუბუქი წონის ყოფილმა დროებითმა ჩემპიონმა, დასტინ პორიემ, საკუთარ ყოფილ მეტოქეს, ჯასტინ გეიჯის, UFC Freedom 250-ის (UFC White House) წინ მისი მენტალიტეტის გამო უსაყვედურა.

კვირას გასამართ სატიტულო ორთაბრძოლაში ილია თოფურიას წინააღმდეგ, გეიჯი თავის კარიერაში ყველაზე დიდ აუტსაიდერად ითვლება. იმაზე მეტადაც კი, ვიდრე 2020 წელს ხაბიბ ნურმაგომედოვთან შეხვედრისას იყო.

პოდკასტში Deep Waters სტუმრობისას, დასტინ პორიემ აღნიშნა, რომ მას არ მოეწონა გეიჯის სიტყვები პირველი პრესკონფერენციიდან. მაშინ ჯასტინმა განაცხადა:

მზად ვარ ყველაფერი სასწორზე დავდო. სულ ფეხებზე მკიდია მომიგებს თუ არა, მე იქ იმ ნაბიჭვრის ნოკაუტში ჩასაგდებად მივდივარ და თეთრი სახლის გაზონზე რაკეტების სროლას ვაპირებ.

პორიეს მიაჩნია, რომ საჩემპიონო ბრძოლის წინ „წაგება-მოგების ფეხებზე დაკიდება“ არასწორი მიდგომაა:

არ ვიცი, ახლა რა ხდება მის გონებაში. როცა თქვა, რომ ილიას მოუწევს ვაშინგტონის სიცხესთან, მწერებთან და ამინდთან გამკლავება, ეს კარგი მენტალიტეტია, მაგრამ როცა ამბობს, არ მაინტერესებს მოვიგებ თუ წავაგებო, ეს არ მომწონს. რა თქმა უნდა, მოგება უნდა გინდოდეს.

ექსპერტები აღნიშნავენ, რომ 37 წლის გეიჯისთვის მსგავსი რიტორიკა და ოქტაგონზე სისხლიანი ომის დაანონსება ყოველთვის ჩვეული სტილი იყო.