კილიან მბაპეს ჰკითხეს, როგორი ურთიერთობა აქვთ რეალის ფეხბურთელის ჩაბი ალონსოსთან.
ესპანურ მედიაში გავრცელებული ცნობებით, რეალის გასახდელი ორად არის გაყოფილი - ჩაბი ალონსოს მოწინააღმდეგეებზე და მომხრეებზე. თუ ამ ჭორებს დავუჯერებთ, მბაპე ალონსოს მომხრეა და ესპანელ სპეციალისტთან კარგი ურთიერთობა აქვს.
„რა გინდათ რომ გიპასუხოთ? სათქმელი არაფერი მაქვს.
რეალში, როცა თამაშებს ვერ იგებ, ხალხი ცუდის ლაპარაკს იწყებს. ჩვენ კი უკვე ორი თამაშია არ მოგვიგია. ცუდად ვითამაშეთ, თუმცა სანაკრებო მატჩების შემდეგ დავბრუნდებით და ელჩეს დამარცხებას შევეცდებით.
ასეა თუ ისე, ლა ლიგაში პირველ ადგილზე ვართ, ჩემპიონთა ლიგაზე კი 8 საუკეთესო გუნდს შორის ვიმყოფებით.
იდეალური სვლა არ გვაქვს, თუმცა ყველამ კარგად ვიცით, რომ როცა მოედანზე საუკეთესო თამაშს ვერ აჩვენებ, მითუმეტეს რეალში, ხალხი გაუჩერებლად ლაპარაკობს.
საბოლოოდ, ყველანი ერთიანები ვართ და ამ სეზონში ყველა ტიტულის მოგება გვინდა." - აღნიშნა რეალის ათიანმა.
