რობერტო კარლოსი: "საუკეთესო გალაქტიკო არც რონალდო იყო, არც ზიდანი, არც რაული და არც ფიგუ"

რობერტო კარლოსმა 2000-იანების რეალის საუკეთესო ფეხბურთელი დაასახელა.

„ბექჰემი, რა თქმა უნდა ბექჰემი. ზიდანი ტოპ ფეხბურთელი იყო - საუკეთესო, მაგრამ ბექჰემი ჩემი ყველაზე ახლო მეგობარი და მისაბაძი მაგალითი იყო. ვარჯიშებზეც საუკეთესო იყო და თამაშებშიც, სულ დარბოდა და დაუჯერებელ პასებს აკეთებდა, ძალებს საერთოდ არ ზოგავდა.

რაც არ უნდა თქვას ხალხმა რონალდოზე, ფიგუზე, რაულზე, მორიენტესზე თუ მიჩელ სალგადოზე, გალაქტიკოსის არსებობის ოთხწლიან პერიოდში ბექჰემი აბსოლუტურად საუკეთესო იყო.

ზიდანი ტოპ ფეხბურთელი იყო და მწვერვალზე რჩებოდა, თუმცა ბექჰემი გუნდზე მუშაობდა. უტევდა, თავს იცავდა, პასებს არიგებდა და აკეთებდა ყველაფერს, რაც გუნდს ესაჭიროებოდა. იმას, რაც ხალხის თვალისთვის შეუმჩნეველი რჩებოდა, მაგრამ გუნდში ყველა ვხედავდით. ის განსაკუთრებული ფეხბურთელი იყო.

დევიდი გუნდისთვის თამაშობდა და არა ფანებისთვის. სწორედ ამაში იყო განსხვავება მასსა და სხვებს შორის." - აღნიშნა კარლოსმა ჯონ-ობი მიკელთან საუბარში.