VIDEO: სეზონში მე-3 გოლი - ქვილითაიამ თავური დარტყმით ანგარიში გახსნა
2 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
გიორგი ქვილითაიამ კვიპროსის ჩემპიონატის მიმდინარე სეზონში მე-3 გოლი გაიტანა. მისმა არისმა საკუთარ მოედანზე ბოლოადგილოსან პარალიმნის 4:0 მოუგო.
ქართველმა ფორვარდმა შეხვედრაში ანგარიში, 24-ე წუთზე, თავური დარტყმით გახსნა. მიმდინარე სეზონში მისთვის მე-3 საგოლე მოქმედებაა - 3-ვე გოლი.
პარალიმნი, რომლის რიგებშიც ზურაბ მუსელიანი თამაშობს და დღეს მოედანზე 61 წუთი გაატარა, ცხრილის ბოლო ადგილზე და, 1 ქულით, უიმედო აუტსაიდერია.
ამ გამარჯვებით, ქვილითაიას გუნდმა 26 ქულა მოაგროვა და ლიდერად გადაინაცვლა მინიმუმ იქამდე, სანამ კონკურენტი პაფოსი კიდევ ერთ ღრმა აუტსაიდერ, 7-ქულიან კრასავასთან სტუმრად ითამაშებს.
არისს მომდევნო ტურში, 7 დეკემბერს, ჩემპიონობის ერთ-ერთ პრეტენდენტ აპოელთან გასვლითი მატჩი აქვს. აპოელი ქვილითას ყოფილი გუნდია.
