ვიქტორ გიოკერეში კარიერას სპორტინგიდან არსენალში გააგრძელებს.
ფაბრიციო რომანოს ინფორმაციით, მხარეებს შორის შეთანხმება პრაქტიკულად დახურულია.
დღეს შვედი ფორვარდის აგენტი ლონდონში ჩაფრინდა, რათა საბოლოო დეტალები შეათანხმოს. ამის შემდეგ ჩაინიშნება სამედიცინო შემოწმება, რომლის გავლის შემთხვევაშიც გიოკერეში არსენალთან კონტრაქტს მოაწერს ხელს.
კლუბებმა 63 მილიონ ევროზე მოილაპარაკეს, კიდევ 10 მილიონი ბონუსებით იქნება გათვალისწინებული.
ორი დღის წინ სპორტინგმა ახალი სეზონისთვის დაიწყო მზადება, თუმცა გიოკერეში შეკრებაზე არ გამოცხადდა, რადგან კლუბიდან წასვლას დაჟინებით ითხოვდა.
შვედს საუდის არაბეთის კლუბები ორმაგ ხელფასს სთავაზობდნენ, თუმცა ყველანაირი შემოთავაზება უარით გაისტუმრა.