მიუნხენის ბაიერნის საპატიო პრეზიდენტმა უილი ჰიონესმა ბარსელონას მისამართით მწვავე განცხადება გააკეთა და კატალონიური კლუბის ფინანსური პრობლემები საჯაროდ დასცინა.
ეს გამოხმაურება მოჰყვა მედიაში გავრცელებულ ინფორმაციას, რომლის მიხედვითაც ბარსა“ჰარი კეინის ტრანსფერით ინტერესდებოდა.
გერმანიის თასის ფინალში კეინის მიერ შესრულებული ჰეთ-თრიკისა და ბაიერნის გაჩემპიონების შემდეგ, ჰიონესმა ინგლისელი თავდამსხმელი მიუნხენური კლუბის ისტორიაში საუკეთესო შენაძენად დაასახელა: „ჰარი კეინი არის საუკეთესო ტრანსფერი, რაც კი ოდესმე განგვიხორციელებია“.
როდესაც ჟურნალისტებმა ჰიონესს ბარსელონას მხრიდან არსებულ ინტერესზე ჰკითხეს და დაინტერესდნენ, დარჩებოდა თუ არა თავდამსხმელი მიუნხენში ხანგრძლივად, ბაიერნის ლეგენდამ მკაცრი პასუხი გაცა:
დიახ, დარჩება. ბარსელონას კი მაინც არ აქვს ფული
ვეტერანმა ხელმძღვანელმა კიდევ ერთხელ შეახსენა საფეხბურთო სამყაროს მიუნხენური გრანდის ფილოსოფია და აღნიშნა, რომ ბაიერნს ფინანსური ბალანსის დასაცავად წამყვანი ფეხბურთელების გაყიდვა არ სჭირდება, განსხვავებით კატალონიელებისგან, რომლებიც ლა ლიგის სახელფასო ლიმიტებსა და ეკონომიკურ ბერკეტებს ებრძვიან.
„მიუნხენის ბაიერნი არის კლუბი, რომელიც ფეხბურთელებს ყიდულობს და არა ყიდის“, - დასძინა ჰიონესმა. თავად კეინი, რომელსაც მოქმედი კონტრაქტი 2027 წლამდე აკავშირებს, გერმანიაში თავს ბედნიერად გრძნობს, რის გამოც მისი კამპ ნოუზე გადასვლა მხოლოდ ფანტაზიის სფეროა.
