"ჩემპიონი "დამსახურებულ" მეტოქეებს არ ელოდება", - ნურმაგომედოვმა დვალიშვილს უპასუხა

მერაბ დვალიშვილსა და უმარ ნურმაგომედოვს შორის სიტყვიერი ომი გრძელდება.

დღეს ქართველმა რუსს სოციალური ქსელის მეშვეობით მიმართა და ტყუილში დაადანაშაულა, რასაც ნურმაგომედოვის პასუხიც მოჰყვა.

დვალიშვილი - უმარს: "ყველა შენი ტყუილისთვის სახეს დაგილეწავ"

„რა აზრი აქვს შენს სიტყვებს, თუ მოქმედება არ მოჰყვება? ახლა ბრძოლა არ მაქვს ჩანიშნული, სუნ იადუნი მზად არის იანვარში იჩხუბოს და თუ შენ არ აპირებ ტიტულის დაცვას, ამ ბრძოლას მივიღებ, რათა ფული ვიშოვო და სახელი მოვიპოვო.

მზად ვარ ნებისმიერს ვეჩხუბო, ვისაც UFC შემომთავაზებს, იმიტომ რომ საუკეთესოობა მინდა. ჩემპიონი არის ის, ვინც ყველაზე ძლიერია და მზად არის ნებისმიერს ეჩხუბოს და არა ის, ვინც "დამსახურებულ" მებრძოლებს ირჩევს." - წერს სოციალურ ქსელში უმარი.