პორტუგალიურ პრესაში გიორგი ქოჩორაშვილის შესახებ საინტერესო ინფორმაცია ვრცელდება.
Record-ის ცნობით, ლევანტე ქართველი ნახევარმცველის თაობაზე იჯარის წესით ტრანსფერის შეთავაზებას განიხილავს. წყაროს მიხედვით, ლისაბონელებს ესპანური კლუბისგან ოფიციალური შეთავაზება ჯერ არ მიუღიათ.
გიორგი ქოჩორაშვილი სპორტინგს გასულ ზაფხულს სწორედ ვალენსიური გუნდიდან შეუერთდა 5.5 მილიონი ევროს სანაცვლოდ.
ქართველმა ნახევარმცველმა ალვალადეზე ბოლომდე თავის დამკვიდრება ვერ შეძლო. მან მიმდინარე სეზონში 17 მატჩში მიიღო მონაწილეობა და ჯამში მოედანზე მხოლოდ 657 წუთი გაატარა.
ქოჩორაშვილი პორტუგალიის ჩემპიონატის გასულ ტურში აროუკასთან მატჩის განაცხადში ვერ მოხვდა, ჩემპიონთა ლიგაზე პსჟ-სთან კი მოედანზე 1 წუთით შემოვიდა.
სპორტინგი შიდა ჩემპიონატში ჩატარებული 19 ტურის შემდეგ 48 ქულით მე-2 ადგილზეა და ლიდერ პორტუს 4 ქულით ჩამორჩება. რაც შეეხება ლევანტეს, ვალენსიელები 20 ტურის შემდეგ 17 ქულით გასავარდნ ზონაში მე-19 პოზიციას იკავებენ და უსაფრთხო ზონას 4 ქულით ჩამორჩებიან.
