ფრენკი დე იონგს არ მიაჩნია, რომ საკუთარი კლასის დასამტკიცებლად პრემიერ ლიგაში თამაშია საჭირო.
„ყოველთვის იყვნენ ჩემით დაინტერესებული გუნდები, მაგრამ წასვლის ვარიანტი არც განმიხილავს. თავს ბარსასთვის მნიშვნელოვან ფეხბურთელად მივიჩნევ, ჩემი ოჯახი ბარსელონაში შესანიშნავად ცხოვრობს - ძალიან კარგად მოვეწყეთ.
მჭირდება თუ არა პრემიერ ლიგაში გადასვლა იმისთვის, რომ ჩემი კლასი დავამტკიცო? მე ასე არ ვფიქრობ. მქონდა შემოთავაზებები, მაგრამ მე ბარსელონაში ბედნიერი ვარ.
დღესდღეობით პრემიერ ლიგა მსოფლიოს საუკეთესო ლიგაა, ულაპარაკოდ, ზუსტად ისე, როგორც დაახლოებით ათი წლის წინ ლა ლიგა იყო.
თუმცა, ეს სულაც არ ნიშნავს, რომ იქ წასვლაა აუცილებელი იმის დასამტკიცებლად, ხარ თუ არა დიდი ფეხბურთელი. ჩემი ოცნება ბავშვობიდან ბარსელონა იყო." - აღნიშნა ნიდერლანდელმა.
