იტალიელი ჟურნალისტის, მარკო ბარძაგის ცნობით, რომა მზადაა, იანვარში გიორგი კვერნაძის სანაცვლოდ ფროზინონეს 25 მილიონი ევრო გადაუხადოს.
როგორც ირკვევა, რომა სერია ა-ს მიმდინარე სეზონის ერთ-ერთი მთავარი აღმოჩენის გადაბირებას აქტიურად გეგმავს. მიუხედავად იმისა, რომ ფროზინონესთვის შუა სეზონში ლიდერის დაკარგვა არასასურველია (კლუბის მთავარი მიზანი სერია ა-ში ადგილის შენარჩუნებაა), ასეთი მასშტაბური წინადადების შემთხვევაში ტრანსფერის ალბათობა მნიშვნელოვნად იზრდება.
ჟურნალისტის თქმით, კვერნაძის ტრანსფერი იდეალური იქნებოდა რომას მთავარი მწვრთნელის, ჯან პიერო გასპერინის სათამაშო სტილისთვის, რომელიც გარემარბს ეძებს.
თუმცა, ბევრი რამ იმაზეა დამოკიდებული, თუ როგორ ჩაატარებს ქართველი ფეხბურთელი იანვრამდე დარჩენილ მატჩებს, მით უმეტეს, რომ მისით პრემიერლიგის კლუბებიც ინტერესდებიან, რომაელებმა კი იციან, რომ ინგლისურ გუნდებთან კონკურენცია გაუჭირდებათ.
