იუვენტუსმა ჩემპიონთა ლიგა დამაჯერებელი გამარჯვებით გახსნა

ჩემპიონთა ლიგის 2024/25 წლების სეზონის გახსნით მატჩში იუვენტუსმა საკუთარ მოედანზე პსვ მიიღო.

მატჩში ანგარიში 21-ე წუთზე ქენან ილდიზმა გახსნა, აქედან 6 წუთში კი ვესტონ მაკკენიმ სხვაობა ორამდე გაზარდა.

52-ე წუთზე გოლის გატანა იუვეს ახალწვეულმა ნიკო გონსალესმა შეძლო და ანგარიში 3-0 გახადა.

ბიანკონერი კარის მშრალად შენახვასთან ახლოს იყო, თუმცა 93-ე წუთზე ისმაელ საიბარიმ პრესტიჟის გოლის გატანა მოახერხა და მატჩის საბოლოო ანგარიში დააფიქსირა.

იუვენტუსმა ჩემპიონთა ლიგის ახალი სეზონის პირველ მატჩში პსვ-ს 3-1 სძლია და სტარტი დამაჯერებლად აიღო.