ხვიჩა კვარაცხელია ატალანტასთან მატჩის საუკეთესო ფეხბურთელად დასახელდა

პსჟ-მ ჩემპიონთა ლიგის პირველ ტურში ატალანტა 4:0 გაანადგურა.

ერთ-ერთი გოლი პსჟ-ს ქართველმა ვარსკვლავმა ხვიჩა კვარაცხელიამაც გაიტანა.

კვარამ მოედანზე 75 წუთი გაატარა და ტოპ-მატჩი ჰქონდა, 3-დან 3 წარმატებული დრიბლინგის მცდელობით, პასების 87% სიზუსტით და 7-დან 6 მოგებული ორთაბრძოლით.

გამოცემა SofaScore-მ ქართველს ამ მატჩისთვის 8.5 შეფასება დაუწერა, თუმცა მარკინიოსი (9.1) ამჯობინა.

სამაგიეროდ, უეფამ კვარა ოფიციალურად მატჩის საუკეთესო ფეხბურთელად დაასახელა და შესაბამისი პრიზიც გადასცა.