კვარაცხელიას საგოლე გადაცემა - ნაპოლიმ ტურინში მოიგო

იტალიის სერია ა-ს მე-14 ტურში ნაპოლი ტორინოს ესტუმრა. სასტარტო შემადგენლობაში იყო ხვიჩა კვარაცხელია, რომელმაც მოედანზე 80 წუთი გაატარა.

ქართველმა შეხვედრის ერთადერთ გოლში მონაწილეობაც მიიღო. 31-ე წუთზე ხვიჩას პასის შემდეგ ანგარიში სკოტ მაკტომინეიმ გახსნა და საბოლოოდ ისე გამოვიდა, რომ ნაპოლის 3 ქულაც მოუტანა.

მატჩის დარჩენილ ნაწილში ნაპოლიმ უპირატესობა შეინარჩუნა და ანტონიო კონტეს გუნდმა მნიშვნელოვანი გამარჯვება მოიპოვა.

პარტენოპეი მე-14 ტურის შემდეგაც სატურნირო ცხრილის სათავეში დარჩება. გუნდს 32 ქულა აქვს.

კვარაცხელიამ Sofascore-სგან ტორინოსთან მატჩში 7.5 შეფასება დაიმსახურა. ხვიჩას სერია ა-ს მიმდინარე სეზონში 5 გოლი და 3 საგოლე გადაცემა დაუგროვდა.