საქართველოს ეროვნულმა ნაკრებმა ნოემბრის შეკრების მესამე ვარჯიში გამართა. საწვრთნელი პროცესი მიხეილ მესხი 2-ზე გაიმართა და მასში 23 ფეხბურთელი მონაწილეობდა. გაბრიელ სიგუა და ნიკა გაგნიძე ინდივიდუალური პროგრამით აგრძელებენ მზადებას.
ესპანეთთან და ბულგარეთთან გასამართი შესარჩევი ეტაპის ბოლო მატჩების შესახებ ანზორ მექვაბიშვილმა ისაუბრა.
"ვემზადებით მოახლოებული თამაშებისთვის. ძალიან რთული მატჩები გველის. ოქტომბრის მატჩების შემდეგ გარკვეული რეაბილიტაცია გვჭირდება.
ბიჭები მაქსიმალურად კონცენტრირებულები არიან, რომ მოახლოებულ შეხვედრებში კარგი შედეგი ვაჩვენოთ". - მის სიტყვებს ეროვნული ნაკრების გვერდი ავრცელებს.
წლის ბოლო საშინაო შეხვედრას ეროვნული გუნდი 15 ნოემბერს, დინამო არენაზე, ესპანეთთან გამართავს. 18 ნოემბერს კი, ნაკრები ბულგარეთს სოფიაში ეწვევა.
ცვლილება შემადგენლობაში - საქართველოს ნაკრებს 2 მოთამაშე გამოაკლდა
