სანტოსის შემტევი ნეიმარი თავის გუნდს ამ წელს მუხლის ტრავმის გამო ვეღარ დაეხმარება.
Globo Esporte-ს ინფორმაციით, ნეიმარმა მარცხენა მუხლში დისკომფორტი მირასოლთან ბრაზილიის ჩემპიონატის 34-ე ტურის მატჩში იგრძნო, რომელშიც გოლი გაიტანა. ამის გამო, ფეხბურთელმა ინტერნასიონალთან თამაშიც გამოტოვა.
დიდი ალბათობით, 2025 წელს ნეიმარი საფეხბურთო მოედანზე ვეღარ გავა და შესაბამისად, სპორტ რესიფისთან, ჟუვენტუდესთან და კრუზეიროსთან თამაშებსაც გამოტოვებს.
35 ტურის შემდეგ სანტოსი ბრაზილიის ჩემპიონატში 38 ქულით მე-17 ადგილს იკავებს.
