თურქეთის ქალაქ სტამბოლში გამართულ ფიგურული სრიალის საერთაშორისო ტურნირ ბოსფორის თასზე, ქართველმა მოციგურავეებმა 2 მედალი მოიპოვეს - 2-ვე ვერცხლის.
მამაკაცთა იუნიორთა კატეგორიაში, კონსტანტინე სუპატაშვილმა მე-2 შედეგი აჩვენა - ჩემპიონ უკრაინელ იეგორ კურცევს თითქმის 20 ქულით ჩამორჩა.
ქალთა იუნიორთა კატეგორიაში, ინგა გურგენიძეს ჩემპიონობამდე ძალიან ცოტა დააკლდა და ფრანგ სტეფანია გლადკიზე სულ რაღაც 0.79 ქულით ნაკლები დააგროვა.
ამავე კატეგორიაში მე-11 პოზიცია დაიკავა აიშა ალახვერდიევამ. ტურნირში სულ 28 სპორტსმენი მონაწილეობდა.
