,,ფლანგის მოთამაშეები აღარ არსებობენ" - ოსასუნას მწვრთნელი იტალიურ ფეხბურთზე

ოსასუნას მთავარმა მწვრთნელმა, იტალიელმა ალესიო ლისკიმ იტალიურ ფეხბურთში არსებული პრობლემების, აკადემიებისა და სათამაშო სისტემების შესახებ ისაუბრა.

„იტალიაში ამაზე ბევრს საუბრობენ. რაც შემიძლია ვთქვა, არის ის, რომ თუ ქვეყანა, როგორიც ჩემი სამშობლო იტალია, რომელიც ისტორიულად მსოფლიოს ერთ-ერთი საუკეთესო ნაკრებია, ზედიზედ სამი მსოფლიო ჩემპიონატის გარეშე დარჩა, ეს დიდი პრობლემაა, ძალიან დიდი.

უნდა შევჩერდეთ და ბევრი რამ შევცვალოთ. არ მინდა კონკრეტულად ვთქვა, რა უნდა შეიცვალოს... მაგრამ აშკარაა, რომ იტალიის ლიგას მაღალი დონე აქვს, თუმცა ტოპ-5 ლიგებს შორის ყველაზე მეტი უცხოელი ფეხბურთელი სწორედ აქ თამაშობს.

აკადემიებშიც ბევრი უცხოელია, განსაკუთრებით წამყვან კლუბებში. ეს პრობლემაა. სარეზერვო გუნდები არ არსებობს, რაც კიდევ ერთი პრობლემაა. ბევრი რამ არის…

შემდეგ არის სათამაშო სისტემა, რომელსაც გუნდების უმეტესობა იყენებს - 3-5-2, და ამან გამოიწვია, რომ ფლანგის მოთამაშეები აღარ არსებობენ და აღარ არიან ფეხბურთელები, რომლებიც ერთი-ერთზე ერთის თამაშს ახერხებენ.

იტალიაში არ არიან ფეხბურთელები, რომლებიც შეძლებენ გააკეთონ ის, რაც ლამინ იამალმა ევროზე გააკეთა, მატჩის „გახსნა“. ბევრი ფაქტორი გროვდება, რაც ერთი წლიდან არ მოდის, ეს უკვე სამი მსოფლიო ჩემპიონატის პრობლემაა, რაც ძალიან ბევრია. ცვლილებებისთვის საჭიროა დრო და მოთმინება.

პრობლემა რა არის? როდესაც ევროპის ჩემპიონატი მოდის, იტალია მაინც მოისურვებს მის მოგებას... მაშინ, როცა ეს არის გუნდი, რომელიც წლებია ვერ ახერხებს მსოფლიო ჩემპიონატზე გასვლას. იმედი მაქვს, რომ სტრუქტურა შეიცვლება, დაიწყებენ ნაბიჯების გადადგმას და შემდეგ მოთმინებას გამოიჩენენ.“ - განაცხადა ლისკიმ.