რაფინიასა და არაუხოს გარეშე - ბარსელონას გადადებული მატჩის თარიღი ცნობილია

უკვე ოფიციალურად შეიძლება ითქვას, რომ ლა ლიგაში ბარსელონასა და ოსასუნას გადადებული მატჩი 27 მარტს ჩატარდება.

ეს კი იმას ნიშნავს, რომ კატალონიურ გუნდს რონალდ არაუხო და რაფინია დააკლდება, რადგან ისინი სანაკრებო შეკრებიდან ესპანეთში ჩასვლას ვერ მოასწრებენ.

აღნიშნული გადაწყვეტილება ორივე გუნდმა გაასაჩივრა, თუმცა მატჩის თარიღი არ შეცვლილა. 

ამის გამო შეიცვალა ოსასუნასა და ატლეტიკ ბილბაოს შეხვედრის თარიღიც, დაპირისპირება 28 მარტის ნაცვლად 30 მარტს შედგება.

შეგახსენებთ, რომ ბარსელონასა და ოსასუნას მატჩი ბლაუგრანას ექიმის გარდაცვალების გამო გადაიდო.