როდრი: "ვისაც მესისა და რონალდუს წინააღმდეგ გვითამაშია, განსხვავებას ვხედავთ"

ოქროს ბურთის მოქმედმა გამარჯვებულმა, როდრიმ ლიონელ მესისა და კრიშტიანუ რონალდუს შესახებ ისაუბრა.

"მესი უდაოდ ყველა დროის საუკეთესო მოთამაშეა. კრიშტიანუმ მოახერხა და მესის გაუთანაბრდა მისნაირი ბუნებრივი ნიჭის გარეშე. თუმცა ვისაც მათ წინააღმდეგ გვითამაშია, განსხვავების დანახვა შეგვიძლია.

ჩვენ არ გვინდოდა, რომ კრიშტიანუ საჯარიმოში შესულიყო, რადგან ის იქ მომაკვდინებელი იყო. მაგრამ მესის შემთხვევაში საფრთხე მოედნის ნებისმიერ წერტილში იყო.

როცა მესი ბურთს იღებდა, ფიქრობდი, რომ საფრთხე ახლოს იყო. როცა პირველად მის წინააღმდეგ თამაში დავიწყე, მისთვის ბურთის წართმევას ვცდილობდი, მაგრამ ის ისე აგივლიდა გვერდს, თითქოს ხარი ყოფილიყავი. როცა მას ბურთი ჰქონდა, ყოველთვის მქონდა გრძნობა, რომ რაღაც ცუდი მოხდებოდა". - განაცხადა ესპანელმა ნახევარმცველმა El Hormiguero-სთან საუბარში.