VIDEO: 0:2-იდან 5:3! - ჩაკვეს დაბრუნება და ინტერის ზედიზედ მეორე გიჟური ქამბექი სერია A-ში

ინტერმა სერია A-ს მე-4 ტურში საკუთარ მოედანზე უდინეზე დაამარცხა (5:3).

კრისტიან კივუს გუნდი 16-ე წუთისთვის 0:2-ს აგებდა, თუმცა საბოლოოდ მეტოქეს ხუთი ბურთი გაუტანა და დამაჯერებელი გამარჯვება მოიპოვა.

გასულ ტურში ნერაძური ნაპოლისთანაც ორბურთიანი სხვაობით აგებდა, თუმცა მატჩის შემოტრიალება და მოგება მაშინაც შეძლო - 3:2.

აქვე იმასაც გეტყვით, რომ 3-თვიანი პაუზის შემდეგ მოედანზე დაბრუნდა საქართველოს ნაკრების ნახევარმცველი, გიორგი ჩაკვეტაძე, რომელიც თამაშს 73-ე წუთზე ჩაერთო. ეს ჩაკვეს დებიუტია უდინეზეში, რომელშიც ის გასულ ზაფხულს ინგლისური უოტფორდიდან გადავიდა.

4 ტურის შემდეგ მოქმედი ჩემპიონი 12 ქულით მეორე ადგილს იკავებს და მხოლოდ რომას ჩამორჩება, რომელიც პირველ ადგილს დამატებითი მაჩვენებლების დამსახურებით იკავებს.

0-1 ჯეიმს აბანკვა 9'

0-2 ეკელენკამპი 16'

1-2 კარლოს აუგუსტო 26'

2-2 ბარელა 35'

3-2 ტურამი 57'

4-2 ესპოზიტო 67'

5-2 ბონი 79'

5-3 გეიე 90+1'