VIDEO: მბაპეს პანენკა და დუბლი, ვინის ტრიველა, ფრანკოს პირველი გოლი - რეალმა ლევანტე გაანადგურა

ესპანეთის ლა ლიგის მე-6 ტურში ლევანტემ საკუთარ მოედანზე რეალი მიიღო.

ანგარიში 28-ე წუთზე ვინისიუს ჟუნიორმა გახსნა ტერფის გარე ნაწილით ეფექტურად დარტყმის შემდეგ, 38-ე წუთზე კი ფრანკო მასტანტუონომ რეალში სადებიუტო გოლი გაიტანა და სხვაობა ორამდე გაზარდა.

54-ე წუთზე ეტა იონგმა ერთი ბურთი გაქვითა, თუმცა აქედან 10 წუთში კილიან მბაპემ პენალტი მოიპოვა, რომელიც პანენკას სტილში დაარტყა და ორბურთიანი სხვაობა აღადგინა.

66-ე წუთზე არდა გიულერის ლამაზი პასის შემდეგ კილიან მბაპემ მეკარე მოატყუა და დუბლი შეასრულა, ამასთან მატჩის საბოლოო ანგარიშიც (1-4) დააფიქსირა.

რეალმა ლა ლიგის საწყისი 6 მატჩიდან ყველა მოიგო და 18 ქულით ცხრილს სათავეში უდანაკარგოდ უდგას. კილიან მბაპე კი 7 გოლით ბომბარდირთა დავას ერთპიროვნულად ლიდერობს.

28' ვინისიუსი 0-1

38' მასტანტუონო 0-2

54' ეტა იონგი 1-2

64' მბაპე 1-3

66' მბაპე 1-4