VIDEO: ტოტენჰემმა 2026 წელს პრემიერ ლიგაში პირველი მატჩი მოიგო
25 აპრ, 2026 · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის 34-ე ტურში გასავარდნ ზონაში მყოფი გუნდების, ვულვზისა და ტოტენჰემის მატჩი შედგა.
შეხვედრის პირველი ტაიმი უგოლოდ დასრულდა, მეორე ტაიმში კი თამაშის ბედი ერთმა გოლმა გადაწყვიტა. 82-ე წუთზე სტუმართა კუთხურის შემდეგ საჯარიმოში არეულობა იყო, რომელსაც რიშარლისონის დარტყმის მცდელობა და ჟოაო პალინიას გოლი მოჰყვა.
ამ გოლით პრემიერ ლიგაში ტოტენჰემის 15-მატჩიანი მოუგებელი სერია დასრულდა და ლონდონელებმა 2026 წელს ჩემპიონატში პირველი შეხვედრა მოიგეს.
მოგების მიუხედავად, რობერტო დე ძერბის გუნდი გასავარდნ ზონაში რჩება, რადგან პარალელურად თავისი მატჩი ვესტ ჰემმაც მოიგო, რომელმაც ევერტონი დაამარცხა. ტოტენჰემს 34 ქულა აქვს და უსაფრთხო ზონაში მყოფ კონკურენტს 2 ქულით ჩამორჩება.
