VIDEO: ტრავმიანმა ითამაშა და გაიტანა - ნეიმარის გმირობა სანტოსში

ნეიმარი მშობლიურ სანტოსს გავარდნისგან გადარჩენაში ეხმარება.

რამდენიმე დღის წინ ექიმებმა ნეიმარს მარცხენა მუხლის მენისკის დაზიანება აღმოუჩინეს და იწერებოდა, რომ მინიმუმ 2025 წლის ბოლომდე ბრაზილიელი მოედანზე ვერ გავიდოდა.

ის კი არა, იყო საუბრები იმაზეც, რომ ნეიმარს შესაძლოა ოპერაციის გაკეთება დასჭირდეს. თუმცა, ფეხბურთლმა ექიმების რჩევებს ყური არ უგდო და მოედანზე გასვლა გადაწყვიტა, რადგან სანტოსი ბრაზილიის ჩემპიონატში ადგილის შენარჩუნებისთვის იბრძვის.

სპორტ რესიფისთან მატჩში ნეიმარმა მოედანზე გასვლა გადაწყვიტა და 26-ე წუთზე გოლით სანტოსი დააწინაურა.

საბოლოოდ სანტოსმა 3:0 მოიგო, ნეიმარმა კი გოლის გარდა საგოლე პასიც მიითვალა, როცა მეორე ტაიმში კუთხური ზუსტად თანაგუნდელს დაასვა თავზე.