ვინისიუს ჟუნიორმა კილიან მბაპესთან ურთიერთობაზე ისაუბრა.
ჭორების მიხედვით, კილიან მბაპე მადრიდულ გასახდელში იზოლირებული იყო, გუნდის ლიდერები, მათ შორის ვინისიუსი და ბელინგემი კი, ფრანგის ქცევებით გაღიზიანებულები ჩანდნენ. ბრაზილიელმა ვინგერმა აღნიშნა, რომ რეალურად, კილიანთან არანაირი პრობლემა არ აქვს:
კილიანი კარგი ბიჭია. ბრაზილიაში მასზე სხვანაირი იმიჯი აქვთ შექმნილი, მაგრამ როდესაც კი შეგვიძლია, ვცდილობთ მოედნის მიღმაც ერთად ვიყოთ და მეგობრულად გავატაროთ დრო. კამავინგაც, რომელიც ჩემი ერთ-ერთი საუკეთესო მეგობარია, მასთან ძალიან ახლოსაა.
მბაპესთან ყოველთვის კარგი ურთიერთობა მქონდა. თავის დროზე უამრავ შეტყობინებას ვწერდი და ჩვენთან გადმოსვლას ვთხოვდი. ჯერჯერობით ვერ მოვახერხეთ ისე თამაში, როგორც გვინდა, ან იმ ტიტულების მოგება, რასაც ფანები ელიან, მაგრამ მჯერა, რომ უახლოეს მომავალში სიტუაციის გამოსწორებას შევძლებთ.
ვინიმ მბაპეს მიმართ მადლიერება და პატივისცემაც გამოხატა:
ის ჩემ მიმართ ყოველთვის კეთილგანწყობილი იყო. ინტერვიუებში მუდამ მიცავდა. ბენფიკასთან მატჩის შემდეგ (პრესტიანისთან დაკავშირებული დაპირისპირებისას), მან რასიზმის თემაზე ჩემს დასაცავად ხმა აიმაღლა.
ის დიდებული ფეხბურთელია. მსოფლიო ჩემპიონატი უკვე მოგებული აქვს და ფინალში ჰეთ-თრიკიც შეასრულა. კილიანი ლეგენდარული მოთამაშეა, რომელიც მადრიდის რეალში ეპოქას შექმნის და თანამედროვე ფეხბურთში თავის კვალს უკვე ტოვებს.
