VIDEO: 3:0-დან 3:4 - ბაიერნის საოცარი ქამბექი მაინცთან

გერმანიის ბუნდესლიგის 31-ე ტურში მაინცმა საკუთარ მოედანზე უკვე გაჩემპიონებული ბაიერნი მიიღო.

ვინსენ კომპანიმ ჩემპიონთა ლიგის ნახევარფინალის წინ როტაციას მიმართა და ლიდერები დაასვენა, რაც პირველი ტაიმის ანგარიშზეც აისახა. დომინიკ კორის, პოლ ნებელისა და შერალდო ბეკერის გოლებით მასპინძლებმა პირველი ტაიმი 3-0 მოიგეს.

მეორე ტაიმის სტარტზე სტუმართა მხრიდან შეცვლაზე ჰარი კეინი და მაიკლ ოლისე შემოვიდნენ და თამაშის მოტრიალებაც აქედან დაიწყო.

53-ე წუთზე პირველი გოლი ნიკოლას ჯექსონმა გაიტანა, 73-ე წუთზე მაიკლ ოლისემ ულამაზესი დარტყმით გაქვითა კიდევ ერთი ბურთი, მე-80 წუთზე კი ასევე შეცვლაზე შემოსულმა ჯამალ მუსიალამ გაათანაბრა ანგარიში.

83-ე წუთზე ჰარი კეინმა ბაიერნის დაწყებული საქმე ბოლომდე მიიყვანა და საბოლოო ანგარიში (3-4) დააფიქსირა. ინგლისელმა ბუნდესლიგის მიმდინარე სეზონში 33-ე გოლი გაიტანა.