VIDEO: ბარსას ბოლო წუთზე გადარჩენილი მატჩი - ყველაფერი კამპ ნოუზე გადაწყდება
10 მარ, 2026 · 0 წთ წასაკითხად
-
Aa
+
ფონტის ზომა
უეფას ჩემპიონთა ლიგის 1/8 ფინალური ეტაპის პირველ მატჩში ნიუკასლმა სენტ ჯეიმს პარკზე ბარსელონა მიიღო.
შეხვედრის პირველი ტაიმი უგოლოდ დასრულდა, მეორე ნახევარში კი გუნდებმა თითო გოლი გაცვალეს.
86-ე წუთზე შეცვლაზე შემოსული ჯეიკობ მერფის ჩაწოდების შემდეგ, საჯარიმოში მარტო დატოვებულმა ჰარვი ბარნსმა ანგარიში გახსნა.
ნიუკასლი მოგებასთან ახლოს იყო, თუმცა კომპენსირებული დროის ბოლო წუთზე მალიკ ჩაუმ საჯარიმოში დანი ოლმო წააქცია და პენალტი დაინიშნა, რომელიც ზუსტად ლამინ იამალმა შეასრულა და საბოლოო ანგარიში (1-1) დააფიქსირა.
გუნდებს შორის საპასუხო მატჩი 18 მარტს, 21:30 საათზე გაიმართება, სადაც მეოთხედფინალისტის ვინაობა გახდება ცნობილი.
