VIDEO: ბარსელონამ ლევანტე გაანადგურა და ლა ლიგაში გალიდერდა
22 თებ, 2026 · 0 წთ წასაკითხად
-
Aa
+
ფონტის ზომა
ესპანეთის ლა ლიგის 25-ე ტურში ბარსელონამ კამპ ნოუზე ლევანტე მიიღო.
შეხვედრაში ანგარიში სწრაფი გოლით გაიხსნა. მე-4 წუთზე მასპინძლები ერიკ გარსიას პასის შემდეგ მარკ ბერნალმა დააწინაურა. 32-ე წუთზე ჟოაო კანსელოს საჯარიმოში ჩაწოდებას ფრენკი დე იონგის გოლი მოჰყვა და ბარსამ სხვაობა ორამდე გაზარდა.
81-ე წუთზე თამაშს წერტილი ფერმინ ლოპესმა დაუსვა, რომელმაც შორეული დარტყმით აიღო ლევანტეს კარი და საბოლოო ანგარიში (3-0) დააფიქსირა.
ბარსელონამ ამ ტურში რეალის ოსასუნასთან წაგებით ისარგებლა და სატურნირო ცხრილში ლიდერობა დაიბრუნა. ჰანსი ფლიკის გუნდი მდევარს 1 ქულით უსწრებს.
