გერმანიის ბუნდესლიგის 24-ე ტურის ცენტრალურ მატჩში დერ კლასიკერი შედგა.
დორტმუნდის ბორუსიამ სიგნალ იდუნა პარკზე მიუნხენის ბაიერნი მიიღო, მატჩი უხვგოლიანი და სანახაობრივი გამოდგა.
ანგარიში 26-ე წუთზე ნიკო შლოტერბეკმა გახსნა და მასპინძლებმა პირველი ტაიმი ამ გოლით მოიგეს. 54-ე წუთზე ჰარი კეინმა ანგარიში გაათანაბრა, 70-ე წუთზე კი ინგლისელმა თავდამსხმელმა პენალტი ზუსტად შეასრულა და დუბლი მიითვალა.
83-ე წუთზე დანიელ სვენსონმა წონასწორობა აღადგინა, თუმცა დორტმუნდმა ანგარიშის შენარჩუნება ვერ შეძლო და 4 წუთში იოზუა კიმიხმა ბორუსიას კარში გამარჯვების გოლი გაიტანა.
ბაიერნმა ამ მოგებით 63 ქულა დააგროვა და მეორეადგილოსან დორტმუნდს უკვე 11 ქულით უსწრებს. ჰარი კეინმა კი ბუნდესლიგის მიმდინარე სეზონში უკვე 30-ე გოლი გაიტანა და მეორეადგილოსან ლუის დიასთან სხვაობა 17 გოლია.
