VIDEO: კეინის დუბლი და დიასის ჰეთ-თრიქი - ბაიერნმა ჰოფენჰაიმი გაანადგურა

გერმანიის ბუნდესლიგის 21-ე ტურში ბაიერნი ალიანც არენაზე ჰოფენჰაიმს დაუპირისპირდა.

მატჩის ბედი ფაქტობრივად პირველივე ტაიმში გადაწყდა. მე-17 წუთზე სტუმრები 10 კაცით დარჩნენ. მსაჯმა მოედნიდან კევინ აკპოგუმა გააძევა, ჰარი კეინმა კი პენალტი ზუსტად შეასრულა და მასპინძლები დააწინაურა.

მიუხედავად კაცნაკლულობისა, 35-ე წუთზე ჰოფენჰაიმმა ანდრეი კრამარიჩის გოლით ანგარიში გაათანაბრა, თუმცა ეს ანგარიში დიდხანს არ შენარჩუნებულა.

45-ე წუთზე ჰარი კეინმა კიდევ ერთი პენალტი შეასრულა ზუსტად და დუბლი მიითვალა, აქედან 2 წუთში კი ინგლისელმა საგოლე გადაცემა ჩაიწერა აქტივში და ლუის დიასმა პირველი ტაიმის ანგარიში (3-1) დააფიქსირა.

მეორე ტაიმში მიუნხენურმა გუნდმა კიდევ ორი გოლის გატანა მოახერხა. თავის მონაგარს გოლები 62-ე და 89-ე წუთებზე ლუის დიასმა შემატა და საბოლოოდ ჰეთ-თრიქი გაიფორმა, ბაიერნმა კი ჰოფენჰაიმი 5-1 გაანადგურა

ამ მოგებით ვინსენ კომპანის გუნდს 54 ქულა დაუგროვდა და სატურნირო ცხრილს დორტმუნდთან 6-ქულიანი უპირატესობით ლიდერობს. ბომბარდირთა დავას კი ჰარი კეინი ლიდერობს 24 გოლით, ლუის დიასი კი 13 გოლით მე-2 ადგილს იკავებს.