საფრანგეთის ლიგა 1-ის 27-ე ტურში ნიცა საკუთარ მოედანზე პარი სენ-ჟერმენს დაუპირისპირდა.
სტუმართა სასტარტო შემადგენლობაში იყო ხვიჩა კვარაცხელია, რომელმაც მოედანზე 76 წუთი გაატარა.
შეხვედრაში ანგარიში 42-ე წუთზე გაიხსნა. მასპინძელთა კარში პენალტი დაინიშნა, რომელიც ნუნუ მენდეშმა ზუსტად შეასრულა და სტუმრებს პირველი ტაიმი მოაგებინა.
მეორე ტაიმი პარიზელებმა სწრაფი გოლით დაიწყეს. 49-ე წუთზე ნუნუ მენდეშმა უკვე საგოლე პასი მიითვალა, სხვაობა ორამდე კი დეზირე დუემ გაზარდა.
61-ე წუთზე მასპინძელთა სიტუაცია კიდევ უფრო დამძიმდა. იუსუფ ნდაიშიმიემ მსაჯისგან პირდაპირ წითელი ბარათი დაიმსახურა და ნიცა 10 კაცით დარჩა.
მატჩის ბოლოსკენ პარიზელებმა კიდევ 2 გოლის გატანა შეძლეს. 81-ე წუთზე დრო ფერნანდესმა პსჟ-ის შემადგენლობაში სადებიუტო გოლი გაიტანა, 85-ე წუთზე კი ვარენ ზაირ-ემერიმ საბოლოო ანგარიში (0-4) დააფიქსირა.
ლუის ენრიკეს გუნდმა ამ მოგებით 60 ქულა დააგროვა და ლიგა 1-ის ცხრილს ლანსთან ერთქულიანი უპირატესობით ლიდერობს, თანაც პარიზულ გუნდს ერთი მატჩით ნაკლები აქვს ჩატარებული.
