გერმანიის ბუნდესლიგის მე-19 ტურში ბაიერნმა ალიანც არენაზე აუგსბურგს უმასპინძლა.
შეხვედრაში ანგარიში 23-ე წუთზე გაიხსნა. მიუნხენური გუნდი ჰიროკი იტომ დააწინაურა და ბაიერნს პირველი ტაიმი მოაგებინა.
75-ე წუთზე სტუმართა მხრიდან ანგარიში არტურ ჩავესმა გაათანაბრა, 81-ე წუთზე კი ჰან-ნოა მასენგომ აუგსბურგი წინ გაიყვანა და სენსაციური შედეგიც დააფიქსირა.
ვინსენ კომპანის გუნდმა ბუნდესლიგის მიმდინარე სეზონში პირველი მატჩი წააგო, აქამდე მათ ანგარიშზე 16 მოგება და 2 ფრე იყო.
აუგსბურგმა კი მნიშვნელოვანი გამარჯვება მოიპოვა და 19 ქულით ლაივ ცხრილში მე-13 პოზიციაზე იმყოფება, გასავარდნ ზონას კი უკვე 4 ქულით უსწრებს.
