VIDEO: პსჟ პარიზულ დერბიში დამარცხდა და საფრანგეთის თასიდან გავარდა
12 იან, 2026 · 0 წთ წასაკითხად
-
Aa
+
ფონტის ზომა
საფრანგეთის თასის 1/16 ფინალში პარიზული დერბი შედგა, სადაც პარი სენ-ჟერმენი პარკ დე პრენსზე პარიზს დაუპირისპირდა.
სასტარტო შემადგენლობაში იყო ხვიჩა კვარაცხელია, რომელმაც მოედანზე 64 წუთი გაატარა, შემდეგ კი ის უსმან დემბელემ შეცვალა.
შეხვედრის პირველი ტაიმი უგოლოდ დასრულდა, მეორე ნახევარში კი მატჩის ბედი ერთადერთმა გოლმა გადაწყვიტა.
74-ე წუთზე ჯონათან იკონემ პარიზი წინ გაიყვანა, თამაშის დარჩენილ დროში კი ლუის ენრიკეს გუნდმა ანგარიშის გათანაბრება ვეღარ მოახერხა და საფრანგეთის თასს სენსაციურად გამოეთიშა.
ასე რომ პარი სენ-ჟერმენს ამ სეზონში ყველა ტიტულის მოგება ფიზიკურად აღარ გამოუვა და აქცენტს ლიგა 1-სა და ჩემპიონთა ლიგაზე გააკეთებს.
