VIDEO: უხვგოლიანი ფრე ბელგიაში - ყველაფერი მადრიდში გადაწყდება
18 თებ, 2026 · 0 წთ წასაკითხად
-
Aa
+
ფონტის ზომა
უეფას ჩემპიონთა ლიგის პლეიოფის პირველ მატჩში ბრიუგემ საკუთარ მოედანზე ატლეტიკო მიიღო.
პირველ ტაიმში უპირატესობა სტუმრებმა მოიპოვეს. მე-8 წუთზე ანგარიში ხულიან ალვარესმა გახსნა, რომელმაც პენალტი შეასრულა ზუსტად, ტაიმის ბოლოს, კომპენსირებულ დროში კი ადემოლა ლუკმენმა სხვაობა ორამდე გაზარდა.
მეორე ტაიმში მასპინძლებმა თამაშის მოტრიალება შეძლეს. 52-ე წუთზე რაფაელ ონიედიკამ ერთი ბურთი გაქვითა, მე-60 წუთზე კი ნიკოლო ტრესოლდიმ ანგარიში გაათანაბრა.
79-ე წუთზე მადრიდელები კვლავ წინ გავიდნენ. ჟოელ ორდონიესის ავტოგოლით ანგარიში 2-3 გახდა. ატლეტიკო მოგებასთან ახლოს იყო, თუმცა 89-ე წუთზე ხრისტოს ცოლისმა წონასწორობა კიდევ ერთხელ აღადგინა და მატჩის საბოლოო შედეგი (3-3) დააფიქსირა.
გუნდებს შორის საპასუხო მატჩი 24 თებერვალს, მადრიდში გაიმართება.
