12-წლიანი ეპოქა სრულდება - მან სიტის სეზონის ბოლოს დირექტორი დატოვებს

მანჩესტერ სიტის დირექტორი ჩიკი ბეგირისტაინი კლუბს სეზონის ბოლოს დატოვებს.

ჟურნალისტის, დევიდ ორშტეინის ინფორმაციით, მხარეებმა სეზონის ბოლოს თანამშრომლობის შეჩერებაზე შეთანხმებას უკვე მიაღწიეს.

სიტის საფეხბურთო დირექტორის თანამდებობას ბეგირისტაინი 2012 წლიდან იკავებს, იქამდე კი ანალოგიურ პოზიციაზე პეპ გვარდიოლას ბარსელონაში მუშაობდა.

მან სიტიმ მისი შემცვლელის ძიება უკვე დაიწყო, თავად ბეგირისტაინი კი მცირე პაუზას აიღებს და საქმიანობას მხოლოდ ამის შემდეგ დაუბრუნდება. 

ჩიკი ბეგირისტაინი ფეხბურთელობისას მარცხენა ვინგერის პოზიციაზე თამაშობდა და ბარსელონაში 7 წელი აქვს გატარებული (1988-1995), ლა ლიგის 223 მატჩში მან 63 გოლის გატანა მოახერხა.