8:0! ჩელსიმ კონფერენს ლიგაზე სომხური გუნდი არ დაინდო

კონფერენს ლიგის მე-3 ტურში ჩელსიმ საკუთარ კედლებში სომხური ნოა გააცამტვერა.

შეხვედრა სტემფორდ ბრიჯზე გაიმართა და მასპინძელთა გამარჯვებით 8:0 დასრულდა.

დუბლი შეასრულა ჟოაო ფელიქსმა, თითო გოლის გატანა კი ადარაბიომ, მარკ გიუმ, მიხაილო მუდრიკმა და ალექს დისასიმ მოახერხეს - პირველი ტაიმის შემდეგ მარესკას გუნდი 6:0-ს იგებდა.

პირველ ნახევარში სამი საგოლე გადაცემა მიითვალა ენცო ფერნანდესმა.

შესვენების შემდეგ ჩელსიმ სიჩქარეებს დაუკლო და მეტოქეს 2 გოლი აკმარა - დუბლი კრისტოფერ ნკუნკუმ მიითვალა, რომელსაც კონფერენს ლიგაზე 4 გოლი დაუგროვდა და ბომბარდირთა დავაში გალიდერდა.

ჩელსიმ 3-დან 3 გამარჯვება მოიპოვა და 9 ქულით პირველ ადგილს იკავებს.