აღარც ამორიმი - მანჩესტერი პრემიერ ლიგაში ზედიზედ მეორედ დამარცხდა

პრემიერ ლიგის მე-15 ტურში მანჩესტერ იუნაიტედი საკუთარ მოედანზე ნოტინგემთან დამარცხდა.

მატჩი ოლდ ტრაფორდზე გაიმართა და სტუმართა გამარჯვებით 3:2 დასრულდა.

მე-2 წუთზე მილენკოვიჩმა ნოტინგემი წინ გაიყვანა, 18-ზე ჰოილუნდმა ანგარში გაატანაბრა, თუმცა მეორე ტაიმის დაწყებიდან საწყის 9 წუთში ფორესტმა ორი გოლი გაიტანა და გადამწყვეტი უპირატესობა მოიპოვა.

61-ე წუთზე ინტრიგა ბრუნოს გოლმა დააბრუნა, თუმცა მასპინძლებმა მეტი ვეღარ მოახერხეს და არსენალთან მარცხის შემდეგ ზედიზედ მეორედ დამარცხდნენ.

ნოტინგემმა 25 ქულა დააგროვა და მე-5 ადგილზე გადაინაცვლა, მანჩესტერი კი 19 ქულით მე-13 პოზიციაზეა.