ამორიმი: "არ თამაში რაშფორდის პირადი არჩევანია"

რუბენ ამორიმის თქმით, მარკუს რაშფორდის დაბრუნება მანჩესტერის შემადგენლობაში არ იგეგმება.

წითელი ეშმაკები ბრაიტონთან 1:3 დამარცხდნენ, რაშფორდი ამ მატჩის განაცხადში ვერ მოხვდა - ინგლისელი მოედანზე 12 დეკემბრის შემდეგ არ გასულა.

„არ თამაში მისი არჩევანია. არ მინდა ამ უსიამოვნო მომენტზე ყურადღების გამახვილება, იმიტომ, რომ მატჩებში, რომელიც წავაგეთ, რაშფორდი არ გვყოლია. არ მინდა ეს მას დავაბრალო.

რაშფორდი მიუწვდომელია, იმიტომ რომ არ თამაშობს. მიუხედავად ყველაფრისა, არ ვაპირებ ფეხბურთელის დაყენებას, რომელიც ჩემი გუნდისთვის საუკეთესოდ არ მიმაჩნია." - აღნიშნა პორტუგალიელმა სპეციალისტმა.