არსენალმა ფულემს ვერ მოუგო

ინგლისის პრემიერ ლიგის მე-15 ტურში ლონდონური დერბი შედგა, სადაც ფულემმა საკუთარ მოედანზე არსენალი მიიღო.

ანგარიში მე-11 წუთზე რაულ ხიმენესმა გახსნა, მასპინძლებმა პირველი ტაიმი 1-0 მოიგეს.

მეორე ტაიმის დასაწყისში, 52-ე წუთზე ვილიამ სალიბამ ანგარიში გაათანაბრა.

არსენალს მატჩის მოგებაც შეეძლო. 89ე წუთზე გოლი ბუკაიო საკამ გაიტანა, თუმცა თამაშგარე მდგომარეობის გამო გოლი არ ჩაითვალა, შეხვედრა კი 1-1 დასრულდა.

მიკელ არტეტას გუნდს 15 მატჩის შემდეგ 29 ქულა აქვს და ამ მომენტისთვის სატურნირო ცხრილში მე-2 ადგილზე იმყოფება.