ასტონ ვილამ არსენალის პირველი შეთავაზება უარით გაისტუმრა

იტალიელი ჟურნალისტის, ფაბრიციო რომანოს ინფორმაციით, ასტონ ვილამ დღეს არსენალის ოფიციალური შეთავაზება ოლი უოტკინსის თაობაზე უარით გაისტუმრა.

ლონდონელთა წინადადება 60 მილიონ ფუნტ სტერლინგს მოიცავდა, თუმცა ვილა უკმაყოფილო აღმოჩნდა შეთავაზების დროით, რადგან გუნდს ჩეპიონთა ლიგაზე მნიშვნელოვანი მატჩი ელის.

მიუხედავად უარისა, არსენალი ინგლისელი თავდამსხმელის შეძენის მცდელობას გააგრძელებს. ლონდონელებს სურთ, რომ გარიგების დასრულება სატრანსფერო ფანჯრის დახურვამდე, 3 იანვრამდე მოასწრონ.

მიკელ არტეტას გუნდში თავდამსხმელის მოყვანა სურს და არსენალი ყველაფერს გააკეთებს, რომ ასტონ ვილასთან შეთანხმებას მიაღწიოს.

პრემიერ ლიგის მიმდინარე სეზონში ჩატარებულ 23 მატჩში უოტკინსის ანგარიშზე 10 გოლი და 5 საგოლე გადაცემაა.