ბაიერნმა და ლევერკუზენმა გამარჯვებული ვერ გამოავლინეს

გერმანიის ბუნდესლიგის მე-5 ტურში ბაიერნმა ალიანც არენაზე ჩემპიონი ლევერკუზენი მიიღო.

შეხვედრა ფრედ 1-1 დასრულდა. ორივე გოლი პირველ ტაიმში გავიდა.

ანგარიში 31-ე წუთზე სტუმრებმა გახსნეს. გრანიტ ჯაკას პასის შემდეგ გოლი რობერტ ანდრიხმა გაიტანა.

39-ე წუთზე კი წონასწორობა ალექსანდარ პავლოვიჩმა აღადგინა. საბოლოოდ შეხვედრაში მეტი გოლი აღარ გასულა და გუნდებმა თითო ქულა მოიპოვეს.

5 ტურის შემდეგ ბაიერნს 13 ქულა აქვს და სატურნირო ცხრილს სათავეში უდგას, ლევერკუზენი კი 10 ქულით მე-3 ადგილზეა.