ბარსელონა პედრისა და გავის ახალ კონტრაქტებს უმზადებს

იტალიელი სპორტული ჟურნალისტის ფაბრიციო რომანოს ინფორმაციით, ბარსელონა პედრისა და გავისთვის ახალ კონტრაქტებს ამზადებს.

მოთამაშეებთან მოლაპარაკებები მიმდინარეობს და ისინი ხელშეკრულებას მალე გააფორმებენ.

პედრი ბარსელონას 2020 წელს ლას პალმასიდან შეუერთდა, მას ამჟამინდელი კონტრაქტი კლუბთან 2026 წლის ივნისამდე აკავშირებს.

გავი კი ბარსელონას მთავარ გუნდში 2021 წელს დაწინაურდა. მასაც პედრის მსგავსად ბარსელონასთან მიმდინარე კონტრაქტი 2026 წლის ივნისამდე აქვს დადებული.