ბელგიის ნაკრების გულშემატკივრები ტედესკოს გაშვებას ითხოვდნენ

ბელგიის ნაკრების გულშემატკივართა გარკვეული ნაწილი გუნდის მთავარი მწვრთნელით, დომენიკო ტედესკოთი უკმაყოფილოა.

გუშინ, ბელგიელები საკუთარ მოედანზე საფრანგეთთან ერთა ლიგის მატჩში 1:2 დამარცხდნენ, მიუხედავად იმისა, რომ 76-ე წუთიდან რიცხობრივი უპირატესობით თამაშობდნენ.

მატჩის დროს ტრიბუნაზე მჯდომი გულშემატკივრების ნაწილი ტედესკოს გაშვებას ითხოვდა. 

თამაშის შემდეგ, ტედესკომ ამ ფაქტზე ასეთი კომენტარი გააკეთა: 

„ეს ფეხბურთის ნაწილია. ისინი შედეგით იმედგაცრუებულები არიან და მათი გაგება შემიძლია.

არ ვიცი, შეგვეძლო თუ არა ამ საფრანგეთის წინააღმდეგ უკეთ თამაში. მათი ნახევარდაცვის სიძლიერე დაუჯერებელია, ეს ტოპ-გუნდია." - აღნიშნა ტედესკომ.