Copyright © 2023 Adjarabet Arena. All Rights Reserved.
2 თვის წინ · 1 წთ წასაკითხად
-
Aa
+
ფონტის ზომა
ლა ლიგის 29-ე ტურში მადრიდის რეალი პამპლონაში ოსასუნას ეწვევა.
შეხვედრა 19:15 საათზე სტადიონ ელ სადარზე გაიმართება.
კარლო ანჩელოტის გუნდმა თავისი ერთადერთი მარცხი ლა ლიგის ამ სეზონში შორეულ მეექვსე ტურში, სტუმრად ატლეტიკოსთან იწვნია და მას შემდეგ უკვე 22-მატჩიანი წაუგებელი სერია დაუგროვდა.
ამ პერიოდში მადრიდელებმა 16 შეხვედრა მოიგეს და 6 ფრედ დაასრულეს, რაც სატურნირო ცხრილში უპირობო ლიდერობაში გამოისახა - გუნდი უახლოეს მდევარ ჟირონას შვიდით, ხოლო ბარსელონას რვა ქულით უსწრებს.
დღევანდელ შეხვედრაში რეალს უკვე ტრადიციულად ალაბა, კურტუა და მილიტაო ვერ დაეხმარებიან, ასევე დისკვალიფიკაციას იხდის ჯუდ ბელინგემიც, რომლის დაბრუნებასაც მომდევნო ტურიდან ელოდებიან.
ბოლო დროს ოსასუნაც არ არის ცუდ ფორმაში - გუნდს ბოლო ხუთ მატჩში სამი მოგება, 1 ფრე და 1 მარცხი აქვს და ის ერთი მარცხიც წინა ტურში ერთ-ერთ ლიდერ ჟირონასთან იგემა.
საკუთარ კედლებში ოსასუნას რეალი ბოლოს 2011 წლის იანვარში ჰყავს დამარცხებული (1:0). მას შემდეგ, გუნდებმა ელ სადარზე 9 მატჩი ჩაატაარეს, საიდანაც რეალმა 6 მოიგო, 3 კი ფრედ დასრულდა.
რეალს ბოლო 2 გასვლითი მატჩი ფრედ აქვს დასრულებული - ვალენსიასთან (2:2) და რაიოსთან (0:0).
ბოლო 10 გასვლითი მატჩიდან რეალმა 6 მოიგო, 4 კი ფრედ დაასრულა. უკანასკნელად ზედიზედ 3 სტუმრად გამართულ მატჩში ბლანკოსმა ფრე 2017/18-სეზონში ითამაშა.
ბელინგემის შემდეგ (რომელიც მატჩს გამოტოვებს) რეალის საუკეთესო ბომბარდირი ლა ლიგაში ვინისიუსია - 10 გოლით და 4 საგოლე პასით, მეორე ადგილს კი 8 გოლით და 5 ასისტით როდრიგო იკავებს. სწორედ ეს ორი იქნება დღეს რეალისთვის შეტევის მთავარი იმედი.
სავარაუდო შემადგენლობები:
ოსასუნა: ერერა, უნაი გარსია, კატენა, ჰერანდო, არესო, მონკაიოლა, ტორო, გომესი, მოხიკა, რუბენ გარსია, ბუდიმირი
რეალი: ლუნინი, კარვახალი, რუდიგერი, ნაჩო, მენდი, ჩუამენი, კამავინგა, ბრაჰიმი, როდრიგო, ვინისიუსი.
კომენტარები
19 საათის წინ
1 დღის წინ
10 საათის წინ
10 საათის წინ